İslam Əhmədov

İslam Əhmədov (tam adı: İslam İlqar oğlu Əhmədov; 19 sentyabr 1994, Mingəçevir – 27 sentyabr 2020, Füzuli rayonu) — Azərbaycan Silahlı Qüvvələrinin əsgəri (müddətdən artıq həqiqi hərbi xidmət qulluqçusu), İkinci Qarabağ müharibəsi şəhidi.

İslam Əhmədov
Şəxsi məlumatlar
Doğum tarixi	19 sentyabr 1994
Doğum yeri	Mingəçevir, Azərbaycan
Vəfat tarixi	27 sentyabr 2020 (26 yaşında)
Vəfat yeri	Füzuli, Azərbaycan
Dəfn yeri	Mingəçevir Şəhidlər Xiyabanı
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2012—2020
Rütbəsi	Əsgər
Döyüşlər	İkinci Qarabağ müharibəsi  • Füzulinin azad edilməsi
Təltifləri	2020

İslam Əhmədov 1994-cü il sentyabrın 19-da Mingəçevir şəhərində anadan olub.^[1] Subay idi. Qardaşı Əli Əhmədovda İkinci Qarabağ müharibəsində şəhid olub.

Azərbaycan Ordusunun əsgəri olan İslam Əhmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Füzulinin azadlığı uğrunda gedən döyüşlərdə savaşıb. İslam Əhmədov sentyabrın 27-də Füzulinin azad edilməsi zamanı şəhid olub.

İslam Əhmədov sentyabrın 28-də Mingəçevir şəhərinin Şəhidlər Xiyabanında dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən İslam Əhmədov ölümündən sonra "Vətən uğrunda" medalı ilə təltif edildi.^[2]

• — "Azərbaycan Silahlı Qüvvələrinin 95 illiyi" yubiley medalı
• — "Azərbaycan Ordusunun 100 illiyi" yubiley medalı
• (15.12.2020) — "Vətən uğrunda" medalı (ölümündən sonra)^[3]
• Cəsur döyüşcü medalı