Rahim Mikayılov

Rahim Qalib oğlu Mikayılov (3 sentyabr 1990, İkinci Nügədi, Quba rayonu – 27 sentyabr 2020, Murovdağ, Kəlbəcər rayonu) — Azərbaycan Silahlı Qüvvələrinin baş leytenantı, İkinci Qarabağ müharibəsinin şəhidi.

Rahim Mikayılov
Rahim Qalib oğlu Mikayılov
Şəxsi məlumatlar
Doğum tarixi	3 sentyabr 1990(1990-09-03)
Doğum yeri	İkinci Nügədi, Quba rayonu, Azərbaycan SSR, SSRİ
Vəfat tarixi	27 sentyabr 2020(2020-09-27) (30 yaşında)
Vəfat yeri	Murovdağ
Dəfn yeri	İkinci Nügədi
Vətəndaşlığı	Azərbaycan
Uşağı	Əhməd
Atası	Mikayılov Qalib
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2014 - 2020
Rütbəsi	Baş leytenant
Döyüşlər	İkinci Qarabağ müharibəsi
Təltifləri	2020 2021

Rahim Mikayılov 1990-cı il 3 sentyabr tarixində Quba rayonunun İkinci Nügədi kəndində doğulub. 2007-ci ildə İkinci Nügədi kənd 3 saylı tam orta məktəbin məzunu olub. Daha sonra Gəncə şəhərində yerləşən Azərbaycan Texnologiya Universitetində (ATU) ali təhsil alıb.

Ali təhsilini başa vurduqdan sonra həyatını hərbi sahəyə həsr edib. Qüsursuz xidməti ilə baş leytenant ali hərbi rütbəsinə yüksəlmişdir. İkinci Qarabağ Müharibəsinin ilk günlərində Murov - Kəlbəcər istiqamətində gedən şiddətli döyüşlərdə böyük şücaət göstərmiş və Murov zirvəsinin azad olunmasında iştirak etmişdir. Elə 27 sentyabr tarixində Kəlbəcərin Camışdağ zirvəsində şəhid olan hərbçimizin nəşi 117 gündən sonra tapılaraq Quba rayonuna gətirildi və doğulduğu İkinci Nügədi kəndində torpağa tapşırıldı.

Rahim şəhid olandan sonra oğlu Əhməd doğuldu. Oğlunun üzünü görməyən şəhid Rahim Mikayılov İkinci Nügədi kəndinin İkinci Qarabağ Müharibəsində sayca dördüncü şəhididir.

• (15.12.2020) — "Vətən uğrunda" medalı (ölümündən sonra)^[1]

(05.11.2021) — 3-cü dərəcəli "Rəşadət" ordeni (ölümündən sonra)