Sabir Hüseynov (əsgər)

Sabir Hüseynov Elşən oğlu (14 dekabr 1999; Siyəzən, - 27 oktyabr 2020; Qubadlı) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Sabir Hüseynov
Sabir Hüseynov Elşən oğlu
Şəxsi məlumatlar
Doğum tarixi	14 dekabr 1999
Doğum yeri	Siyəzən, Azərbaycan
Vəfat tarixi	27 oktyabr 2020 (20 yaşında)
Vəfat yeri	Qubadlı, Azərbaycan
Dəfn yeri	Yenikənd (Siyəzən), Azərbaycan
Hərbi fəaliyyəti
Qoşun növü	Quru Qoşunları
Xidmət illəri	2018-2019, 2020
Rütbəsi	Əsgər
Döyüşlər	Qubadlının azad edilməsi Cəbrayılın azad edilməsi Füzulinin azad edilməsi
Təltifləri	20202020

Hüseynov Sabir Elşən oğlu 14 dekabr 1999-cu ildə Siyəzən rayon Yenikənd (Siyəzən) kəndində anadan olub. 2006-cı ildə Yenikənd (Siyəzən) kənd tam orta məktəbin 1-ci sinifinə daxil olmuşdur. 2017-ci ildə həmin məktəbin 11-ci sinifini bitirmişdir. 2018-ci ilin yanvar ayında həqiqi hərbi xidmətə yollanmışdır. 2019-cu ilin iyul ayında həqiqi hərbi xidmətini bitirmişdir. Hərbi xidmətdən qayıtdıqdan sonra fərdi əməklə məşğul olmuşdur. 21 sentyabr 2020-ci il tarixində SHXÇDX-nin Siyəzən bölməsi tərəfindən səfərbər edilmişdir. 2020-ci ilin oktyabr ayının sonunda həlak olmuşdur. 27 oktyabr tarixində dəfn edilmişdir.

Füzuli, Cəbrayıl və Zəngilan istiqamətində gedən ağır döyüşlərdə iştirak edir, düşmənə sarsıdıcı zərbələr endirir və xeyli sayda canlı qüvvəsini məhv edir. Buna baxmayaraq, qəhrəman Sabir daha sonra Qubadlı uğrunda gedən ağır döyüşlərdə də iştirak edir. Düşmənə sinə gərərək adını qızıl hərflərlə tarixə yazır. Qəhrəman Sabir oktyabr ayının 14-də Qubadlı istiqamətində gedən şiddətli döyüş zamanı öz həyatını təhlükəyə ataraq mühasirədə qalan əsgər yoldaşlarını maşınla çıxartmağa çalışır və düşmən gülləsinə tuş gələrək şəhid olur.

• (24.06.2021) — "Vətən uğrunda" medalı (ölümündən sonra)^[1]
• (24.06.2021) — "Xocavəndin azad olunmasına görə" medalı (ölümündən sonra)^[2]