Ramil Ağayev (şəhid)

Ramil Ağarəhim oğlu Ağayev (20 sentyabr 1994, Sabirabad rayonu – 13 oktyabr 2020, Hadrut, Xocavənd rayonu) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Ramil Ağayev
Şəxsi məlumatlar
Doğum tarixi	20 sentyabr 1994(1994-09-20)
Doğum yeri	Sabirabad rayonu, Azərbaycan
Vəfat tarixi	13 oktyabr 2020(2020-10-13) (26 yaşında)
Vəfat yeri	Hadrut, Xocavənd rayonu, Azərbaycan
Dəfn yeri	Sabirabad
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2020
Rütbə	Əsgər
Döyüşlər	İkinci Qarabağ müharibəsi
Təltifləri	2020

Həyatı[redaktə | mənbəni redaktə et]

Ramil Ağayev 20 sentyabr 1994-cü ildə Sabirabad rayonunda anadan olub.Ali təhsilini Azərbaycan Memarlıq və İnşaat Universitetində alıb.Digah Ərazi nümayəndəliyində müdir müavini vəzifəsində,daha sonra isə Abşeron Rayon İcra Hakimiyyətində Tikinti-Memarlıq şöbəsində baş mütəxəssis vəzifəsində işləyirdi.Ailəli olan qəhrəmanımızın Firuzə adında 10 aylıq körpəsi var.

Hərbi xidməti[redaktə | mənbəni redaktə et]

Azərbaycan Ordusunun əsgəri olan Ramil Ağayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Hadrutun azadlığı uğrunda gedən döyüşlərdə savaşıb. Ramil Ağayev oktyabrın 13-də Hadrut döyüşləri zamanı şəhid olub. Doğulduğu Sabirabad dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Ramil Ağayev ölümündən sonra "Vətən uğrunda" medalı, "Cəbrayılın azad olunmasına görə" medalı ilə təltif edilmişdir.

Təltifləri[redaktə | mənbəni redaktə et]

• (15.12.2020) — "Vətən uğrunda" medalı

İstinadlar[redaktə | mənbəni redaktə et]